रविन्द्र कट्टेल - मोबाइल चिन्ह-जनताको आवाज, सक्षम नेतृत्वको भरोसा।सादगी, साहस र सेवाको राजनीति बोकेर एलिजा गौतम मैदानमा उभिएकी छन्।महिला सशक्तिकरण केवल नारामा होइन, निर्णयको केन्द्रमा पुर्याउने अठोट।अब परिवर्तन बोल्दैन, काम गर्छ।
समतामूलक भविष्यका लागि-मोबाइल चिन्हमा मतदान गरौँ ✊📱
नेपाली चलचित्र क्षेत्रकी चर्चित अभिनेत्री, मोडेल, फिल्म प्रोड्यूसर तथा सामाजिक कार्यकर्ता एलिजा गौतमले अब आफ्नो सामाजिक यात्रालाई राजनीतिक प्रतिबद्धतासँग जोड्दै नयाँ जिम्मेवारी लिएकी छन्। आम जनता पार्टी (AAP) की उपाध्यक्षसमेत रहेकी गौतम महिला खसआर्यतर्फ समानुपातिक उम्मेदवारका रूपमा अगाडि बढेकी छन्। लामो समयदेखि समाजसेवा, महिला सशक्तीकरण र युवाको आवाज उठाउँदै आएकी उनी अब नीतिगत तहबाट परिवर्तन ल्याउने अठोटसहित राजनीतिमा सक्रिय देखिएकी हुन्।
चलचित्र क्षेत्रबाट सुरु भएको उनको यात्रा केवल कला र मनोरञ्जनमै सीमित रहेन। समाजका वास्तविक समस्या बुझेर समाधानतर्फ लाग्ने क्रममा उनले शिक्षा, स्वास्थ्य, महिला अधिकार र गरिबी निवारणलाई केन्द्रमा राख्दै निरन्तर काम गरिरहेकी छन्। सामाजिक उत्तरदायित्व बोकेकी गौतमले सेन्ट्रल वेलफेयर बोर्डको स्थापना गर्दै संस्थागत रूपमा समाजसेवाको अभियान अघि बढाएकी छन्।
उनको सबैभन्दा महत्वाकांक्षी र प्रभावशाली घोषणामध्ये एक हो-नेपालका ७७ वटै जिल्लामा आवश्यक परेका समुदायका लागि १०-१० वटा घर निर्माण गर्ने पहल। धादिङ जिल्लाबाट सुरु भएको यो परियोजनाले गरिब तथा विपन्न परिवारलाई सुरक्षित आवास उपलब्ध गराउने लक्ष्य राखेको छ। हजारौं परिवारलाई प्रत्यक्ष लाभ पुग्ने अपेक्षा गरिएको यस योजनालाई गरिबी न्यूनीकरणतर्फको ठोस कदमका रूपमा हेरिएको छ।
महिलाको शिक्षा, आत्मनिर्भरता र जेन–जेड पुस्ताको आकांक्षालाई सम्बोधन गर्ने विभिन्न अभियानमा पनि उनी सक्रिय छिन्। मिसेस भोग नेपाल सिजन-३ की ब्रान्ड एड्भोकेटका रूपमा उनले महिलाको आत्मविश्वास र नेतृत्व क्षमतामा जोड दिँदै आएकी छन्। महिलाको मानसिक स्वास्थ्य तथा आर्थिक रूपमा कमजोर महिलाहरूको सहयोगका लागि एनजीओमार्फत गरिएका उनका पहलहरू व्यापक रूपमा प्रशंसित छन्।
एलिजा गौतमको योगदानलाई राष्ट्रिय तथा अन्तर्राष्ट्रिय स्तरमा समेत सम्मान गरिएको छ। उनलाई प्रदान गरिएको ‘आउटस्ट्यान्डिङ एचिभमेन्ट अवार्ड’ ले उनको सामाजिक कामको विश्वव्यापी मान्यता झल्काउँछ। सामाजिक कल्याणका विषयमा उद्यमी तथा अभियन्ताहरूसँग निरन्तर संवाद गर्दै उनी नीतिगत सुधारका पक्षमा स्पष्ट धारणा राख्दै आएकी छन्।
समाजसेवामा देखाएको समर्पण, युवामैत्री सोच र महिलाको आवाजलाई केन्द्रमा राख्ने दृष्टिकोणका कारण एलिजा गौतम आज प्रभावशाली युवा नेतृका रूपमा स्थापित हुँदै गएकी छन्। विदेश पलायनको बाटो रोज्न सक्ने सम्भावना हुँदाहुँदै पनि आफ्नै देशमा रहेर राष्ट्र निर्माणमा योगदान दिनु पर्छ भन्ने उनको अडान धेरैका लागि प्रेरणादायी बनेको छ।
उनको यात्रा केवल व्यक्तिगत सफलता होइन, यो परिवर्तनको आकांक्षा बोकेको नेपाली समाजको प्रतिबिम्ब हो। एलिजा गौतमजस्ता व्यक्तित्वहरूको सक्रियताले राजनीतिमा नयाँ आशा र विश्वास पैदा भएको देखिन्छ। समाजसेवाबाट राजनीतितर्फको यो कदमले नेपाललाई थप समावेशी, न्यायपूर्ण र समृद्ध बनाउने अपेक्षा गरिएको छ।समानुपातिक उम्मेदवार सम्पूर्ण देशभक्त आदरणीय बुबा-आमा,दाजु - भाइ तथा दिदी बहिनीहरुमा मोबाइल चुनाव चिन्हमा आफ्नो अमूल्य मतदान गरी जिताउन महिला नेतृत्व लाई अझ सशक्त रूपमा सहयोग गरिदिनुहुन आग्रह गर्नुभएको छ।
