जनकपुरधाम – मधेश प्रदेशका मुख्यमन्त्री सरोजकुमार यादवले आज सुरक्षा परिषद्को विशेष बैठकको नेतृत्व गर्नुभयो। बैठक गृह, सञ्चार र कानून मन्त्रालयमा आयोजित गरिएको थियो।
प्रदेशको आगामी सुरक्षा रणनीति तयार गर्न आयोजित यस बैठकमा सेना, प्रहरी, सशस्त्र प्रहरी र राष्ट्रिय अनुसन्धानका वरिष्ठ अधिकारीहरू सहभागी थिए। त्यस्तै, प्रदेशका विभिन्न मन्त्रालयका सचिव र प्रतिनिधिहरूले पनि बैठकमा आफ्नो सुझाब र प्रतिवेदन पेश गरेका थिए।
यसअघि मुख्यमन्त्री यादवले बिहान पत्रकार सम्मेलनमा आफूमाथि सुरक्षा खतराको संकेत गर्दै आवश्यक कदम चाँडै उठाइने जानकारी दिनुभएको थियो। सुरक्षा परिषद्को बैठकले प्रदेशको समग्र सुरक्षा संरचना अझ सुदृढ बनाउन रणनीतिक योजना तयार गर्ने उद्देश्य राखेको छ।
३० कार्तिक २०८२, शनिवार १२:३० मा प्रकाशित
