Lockheed Martin F-35 Lightning II ले इरानमाथिको सैन्य मिशन सम्पन्न गरेपछि मध्यपूर्वस्थित अमेरिकी सैन्य अड्डामा आपतकालीन अवतरण गरेको छ। अमेरिकी सैन्य अधिकारीहरूका अनुसार विमान सुरक्षित रूपमा अवतरण गरिएको छ र पाइलटको अवस्था स्थिर रहेको बताइएको छ।
CNN ले स्रोतहरूलाई उद्धृत गर्दै करिब १०० मिलियन डलर मूल्य पर्ने यो स्टेल्थ लडाकु विमान इरानी आक्रमणको प्रभावमा परेको हुनसक्ने उल्लेख गरेको छ, तर अमेरिकी पक्षले औपचारिक रूपमा आक्रमण पुष्टि गरेको छैन।
अमेरिकी केन्द्रीय कमाण्डका प्रवक्ता क्याप्टेन टिम हकिन्स ले मिशनपछि विमानमा प्राविधिक वा बाह्य असर देखिएपछि आकस्मिक अवतरण गरिएको र घटनाको विस्तृत अनुसन्धान भइरहेको बताएका छन्।
सन् २०१८ देखि सक्रिय युद्धमा प्रयोग हुँदै आएको F-35 मा प्रत्यक्ष युद्ध प्रभाव परेको सार्वजनिक पुष्टि भएको घटना अत्यन्त दुर्लभ मानिन्छ।
यसबीच Islamic Revolutionary Guard Corps ले अमेरिकी विमान लक्षित गरी आक्रमण गरेको दाबी गरेको छ, यद्यपि स्वतन्त्र पुष्टि भने अझै भएको छैन।
अमेरिका-इरान तनाव चर्किँदै जाँदा हवाई युद्ध अब नयाँ चरणमा प्रवेश गरेको विश्लेषण गरिएको छ, जहाँ अत्याधुनिक स्टेल्थ विमानसमेत प्रत्यक्ष जोखिममा देखिन थालेका छन्।
